Dita e sotme (e diel, 30 nëntor) shënon lamtumirën e fundit për këngëtarin e mirënjohur Shpat Kasapi, i cili u nda nga jeta papritur më 26 Nëntor në moshën 40-vjeçare.
Homazhet kanë nisur në Pallatin e Kulturës në Tetovë, ku pak çaste më parë ka mbërritur edhe arkivoli me trupin e pajetë të artistit.
Atmosfera është tejet e rënduar dhe e mbushur me dhimbje, ndërsa të pranishëm janë familjarë, qytetarë të shumtë dhe kolegë artistë, mes të cilëve Blero dhe Adelina Tahiri.
Vëmendjen e ka marrë mikja e tij e ngushtë, këngëtarja Big Mama. E veshur me të zeza dhe me lot në sy, ajo është parë duke pritur ngushëllime nga të pranishmit, duke qëndruar krah familjes në këtë moment tragjik, çka dëshmon lidhjen e fortë vëllazërore që kishin.
Be First to Comment