Një video e filmuar nga agjenti amerikan i imigracionit, i cili qëlloi për vdekje një grua në Minneapolis të mërkurën, është publikuar, duke treguar momentet para se të dëgjoheshin të shtënat me armë zjarri si dhe kur qëllohet.
Pamja 47-sekondëshe tregon Renee Nicole Good në timon dhe duke folur me oficerin.
Zëvendëspresidenti i SHBA-së, JD Vance, e ndau klipin në mediat sociale, duke komentuar se agjenti kishte vepruar në vetëmbrojtje. Zyrtarët vendas kanë këmbëngulur se gruaja nuk paraqiste rrezik.
Në pamje shihet një agjent tjetër që i afrohet Goodit nga ana e shoferit dhe përdor një fjalë të pahijshme ndërsa ai i thotë: “Dil nga makina”.
Agjenti që po filmon lëviz përpara makinës së Good ndërsa ajo bën prapa.
Brenda disa sekondash kaotike, ajo e kthen timonin djathtas dhe ecën përpara, e në këtë moment një prej efektivëve e qëllon me armë në xhamin e parë të makinës, duke e lënë të vdekur.
FBI-ja po heton incidentin.
BREAKING: Alpha News has obtained cellphone footage showing perspective of federal agent at center of ICE-involved shooting in Minneapolis pic.twitter.com/p2wks0zew0
— Alpha News (@AlphaNews) January 9, 2026
Be First to Comment