Ish-banori i “Big Brother VIP Kosova 4”, Eduard (Edi) Kuçi, ka tërhequr vëmendjen në rrjetet sociale me një fotografi të vjetër krah Elijonës.
Në imazhin e publikuar në Instagram, Edi shihet duke e përqafuar Elijonën dhe duke e puthur në kokë gjatë qëndrimit të tyre në shtëpinë e “BBVK”.
Publikimi ka marrë vëmendje të veçantë për shkak të momentit në të cilin vjen, pasi ditët e fundit në rrjetet sociale kanë qarkulluar aludime për një krisje të mundshme mes Elijonës dhe partnerit të saj, Klodit.
Vetë Elijona ka reaguar së fundmi ndaj zërave, duke sqaruar se po kalon kohë me familjen e saj në Kosovë dhe duke mohuar se po krijon drama për të marrë vëmendje apo klikime.
Ajo gjithashtu ka bërë të ditur se profili i Klodit në Instagram është hakuar, duke u kërkuar ndjekësve të mos nxjerrin përfundime nga situata që nuk i dinë plotësisht.
Ndërkohë, fotografia e publikuar nga Edi ka rikthyer në vëmendje edhe raportin e tyre gjatë “Big Brother VIP Kosova 4”.
Gjatë reality show-t, Edi dhe Elijona patën disa përplasje, veçanërisht pasi Edi deklaroi se ata ishin takuar më parë jashtë programit, në një kafene. Elijona në atë kohë e kishte minimizuar këtë histori, duke sqaruar se nuk kishte pasur komunikim me ndonjë tjetër tendencë.
Tashmë, rikthimi i kësaj fotografie në rrjet ka nxitur sërish diskutime mes ndjekësve.
Megjithatë, Edi nuk ka dhënë ndonjë shpjegim se përse ka zgjedhur ta publikojë pikërisht tani fotografinë, ndaj çdo interpretim për një mesazh të mundshëm ndaj Elijonës apo Klodit mbetet vetëm në nivel spekulimi.
Ndërkohë, fansat presin të shohin nëse Edi apo vetë Elijona do të reagojnë sërish për këtë publikim.
Comments are closed.