Ceremonia përkujtimore në nder të këngëtarit të ndjerë Shpat Kasapi u përmbyll mes emocioneve të forta dhe duartrokitjeve të gjata nga të gjithë të pranishmit.
Salla e Pallatit të Kulturës në Tetovë ishte mbushur deri në vendin e fundit me familjarë, miq, kolegë, figura publike dhe qytetarë që kishin ardhur për të nderuar artistin që la gjurmë të paharrueshme në muzikën shqiptare. Në shenjë respekti, e gjithë salla u ngrit në këmbë ndërsa ceremonia po i afrohej fundit.
Në momentet e mbylljes, me arkëmortin e Shpatit të vendosur në skenë dhe të mbuluar me flamurin kombëtar shqiptar, u dhanë fjalët e fundit para nisjes drejt banesës së fundit:
“Zoti e shpërbleftë me parajsë, dalëngadalë po nisim rrugën për tek varrezat”.
Atmosfera mbeti e rëndë nga dhimbja, por njëkohësisht e mbushur me ndjenjën e mirënjohjes për jetën, karakterin dhe muzikën e artistit. Duartrokitjet e të pranishmëve zgjatën për minuta të tëra, ndërsa shumë prej tyre nuk i përmbajtën dot lotët.
Be First to Comment